荃灣名物「亞玉豆腐花」｜袋裝糖水各區小店上架

相信大家行經荃灣路德圍都見過一種奇景：永遠有兩間店舖並排的豆腐花店大排長龍，而其中一間便是主打傳統港式糖水，碗碗足料、價錢實惠的亞玉豆腐花，小店以$3豆腐花聞名荃灣，每日開舖都會引來一眾街坊「恭候」。最近亞玉豆腐花與十多間位於九龍、新界區的良心小店合作，齊齊將五款本來只在自己分店出售的袋裝糖水同步上架，包括芝麻糊、陳皮紅豆沙、海帶綠豆沙、涼粉和喳咋，實行為香港人帶來苦中一點甜。

亞玉袋裝糖水每包為二人份量，均於香港工場製造，用料新鮮，可以即開即食，無論雪凍定煮熱都一樣咁滋味。紅豆沙、綠豆沙等豆類糖水十分足料，豆沙份量較多，如果想清淡一點，可在糖水加入少量清水；想品嘗原汁原味的話，則建議連包裝落滾水煮7-10分鐘，包保大家食到舐舐脷。不過由於袋裝糖水無加入防腐劑，所以買到返屋企，最好雪喺0-4度嘅環境底下，可保存一至兩星期。禁晚市嚴重打擊了一眾鍾情糖水的夜貓一族，袋裝糖水既可節省排隊時間，又可隨時想食就食！