近日天氣開始轉涼，大家都開始翻箱倒柜「釋放」冬季衣物，既然都係要轉季，不如索性恤埋個靚髮，以全新形象迎接即將到來的聖誕及新年。編輯部趁此為大家搜羅了九間本地髮型店，除了充滿良心之外，間間都各有賣點，有飛髮之餘兼做男士美容的Barber Shop、主打天然草本染髮的專門店，亦有力推父子優惠的英倫風理髮店與平價又不失質素的單剪小店等，就算大家再要處理「煩惱絲」都毋須頭痛。
文：Layne
圖：受訪者提供
① Six2 Hair Bar Salon（土瓜灣）︱搬新舖仍保留毋忘831套餐
土瓜灣髮型屋 Six2 Hair Bar Salon 於2018年開業，翌年香港便迎來劇變，負責人坦言開業以來香港人所遭受的痛苦令他心痛不已，所以即使面對疫情，都一直堅持提醒港人毋忘初心。就算在今年十月尾搬到同區新舖後，仍然保留價目表中的特別選項——價錢定為$831的「毋忘套餐」及$721的「唔見人經典套餐」，讓客人就算在洗剪吹、電染漂髮，甚至護理頭髮的時候，都能記住曾有一班香港人為著這片土地前仆後繼。
【Six2 Hair Bar Salon】
營業時間：11am – 10pm（星期一、三、五）、11am – 9pm（星期四、六、日）、12:30pm – 9pm（星期二）
地址：土瓜灣馬頭圍道336號地舖
Facebook：Six2 Hair Bar Salon
Instagram：@six2hairnail
聯絡電話：6511 4656
② Queenie Henna（上環、尖沙咀）︱草本染髮店為癌症患者義染
市面上不乏用印度Henna染料代替紋身的趣味工作坊，但純植物染髮專門店 Queenie Henna 的創辦人Anson卻想到以這種100%天然的指甲花染料代替染髮劑，原來背後有著一個讓人黯然的故事：事源Anson的母親在2016年不幸患上癌病離世，她生前其中一個願望就是希望為自己灰白的頭髮染色，於是在母親離世後，Anson決心要成立一間幫助癌症病人重拾自信的染髮店社企。而由於一般染髮劑含有大量化學物，不適合病人使用，所以在朋友的介紹下，Anson開始研究用天然材料Henna染髮。
Anson先花了一年半的時間到髮型屋任職，由洗頭開始學起，最終在2017年開設公司，為客人進行草本染髮（價錢由$450起，以頭髮長度、染髮次數而定），並以他母親的英文名Queenie為這間公司命名，一方面希望幫助癌症病人重拾自信，另一方面亦希望彌補亡母不能染髮的遺憾。目前店舖每日有一個名額予癌症患者及康復者，只要出示相關證明，就可免費染髮一次，用天然草本染髮為癌症病患者帶來丁點安慰。
【Queenie Henna】
營業時間：11am – 6pm（星期一至六、星期日休息）
地址：上環干諾道西 18-19 號祐華大廈13A（上環店）、尖沙咀寶勒巷3 -7號萬事昌廣場 1709 室（尖沙咀店）
Facebook：Queenie Henna 草本染髮 & 旅行雜貨店
Instagram：@queeniehenna
聯絡電話：5975 9752
③ Haïr La Forme（尖沙咀）︱逾三千呎超寬敞樓上Salon
正所謂「慢工出細貨」，無論染電、護理頭髮，都是需時頗長的「心思嘢」，想客人舒舒服服地處理頭髮，理髮店的寬敞程度至關緊要，而注重空間感的你，不妨考慮一下位於尖沙咀、全層佔地超過三千呎的 Haïr La Forme 。「地方咁大，唔貴租咩」，負責人選擇此地，除了基於為客人著想，亦是為了避免再被政府部門「抽秤」。原來自從店家在運動期間表態後，便一直受到不明人士的惡意投訴，控煙辦、消防成了小店的常客。為了一勞永逸，負責人在去年7月決定由同區舊舖遷至新舖位，一口氣租下全層並裝妥所有消防裝置，更在位與位之間至少留有約1.5米距離，這樣一來客人坐得更舒服，二來亦免去觸犯消防條例的風險。
【Haïr La Forme】
營業時間：12nn – 10pm
地址：尖沙咀金巴利道45號金巴利廣場5樓全層
Facebook：Haïr La Forme
Instagram：＠hair_la_forme
聯絡電話：2321 1201
④ Hair Theorem（觀塘、藍田）︱真・香港人學生專享福利
對於學生而言，動輒花費好幾百來理髮，可謂讓人非常肉赤，就算一個月一次，都少不免為荷包擔憂。而這間坐擁觀塘、藍田兩間分店的 Hair Theorem 除了為Mee會員與Connect card HK用戶提供九折優惠之外，更為一眾同學仔特設「折上折」。只要是Mee會員或Connect card HK用戶的學生，在Facebook預約時先Inbox小店專頁：「我係學生！」再Like與Share專頁並在服務前出示該年度有效學生證，便可以八折價錢享用剪染電燙任何服務（非指定髮型師、非漂染）。負責人表示：「呢兩年，我地香港嘅莘莘學子，飽受社會事件和疫症影響上課的折騰，真係苦不堪言」，希望透過「學生哥大曬」優惠，讓大家可以扮靚靚、以最佳狀態迎接未來的挑戰，並寄語年輕人：「你們永遠是社會的未來，學生加油，香港加油！」
【Hair Theorem】
營業時間：10am – 8pm
地址：觀塘巧明街 115號柏秀中心24樓全層（觀塘店）、藍田平田商場102號舖（藍田店）
Facebook：Hair Theorem
Instagram：@hairtheorem
聯絡電話：2709 3128
⑤ Fringe Five Hairdressing（尖沙咀）︱專做女性電染連某登都讚好
位於尖沙咀厚福街的 Fringe Five Hairdressing 乍看之下，就似是一間普通到不能再普通的樓上Salon，然而它卻是一間有態度、有服務的良心理髮店，就連出名言論尖酸刻薄的某香港討論區都不時見到呼籲大家支持 Fringe Five 的聲音，網民表示 Fringe Five Hairdressing 的員工態度好，不但會為客人細心分析髮質，電染頭髮的效果亦不俗。小店主打女性電、染、修護，Facebook專頁近七成相片都是女客人的電、染後的靚相，對「傑作」充滿信心，相信師傅的手勢都有返咁上下。而負責人表示在疫情期間理髮店生意低迷，更應該細心對待每個客人，做好口碑：「逆境求生！疫情期間盡力做好每一位客人」，如果各位想為頭髮換個靚靚髮色的話，不妨到尖沙咀幫襯一下。
【Fringe Five Hairdressing Salon】
營業時間：12nn – 9:30pm（星期二至日、星期一休息）
地址：尖沙咀厚福街夏蕙樓2A
Facebook：Fringe Five Hairdressing
Instagram：@fringe_five_hairdressing
聯絡電話：3568 6225
⑥ Happy Barbershop HK（觀塘）︱長駐美容師幫男士扮靚
男士限定的 Barber Shop，理髮之餘包修面，是眾所周知的常識，但你又有沒有見過Barber Shop，連深層毛孔潔淨面部護理、抗敏舒緩保濕療程及海藻矽針等美容療程（價錢由$180起）都做埋？觀塘Happy Barbershop HK 可算是Barber Shop中的異類，皆因他們有專業美容師Christina駐場，為各位男士扮靚靚。
據負責人所述，店舖希望「令每一位顧客都能帶著自信及笑容，步出我們 Happy Barbershop 的大門」，於是他們在2020年1月增設了男士美容項目，由專業美容師操刀並手把手教你保養臉部皮膚，實行「沒有醜男人，只有懶男人」。除了服務周到，店舖在髮型用品方面亦相當用心，為客人造型時，他們堅持使用全手工製作、採用美國進口天然材料的香港品牌髮泥 hongkonghomebrew 家釀 ，務求讓客人頭髮造型、頭髮健康兩者兼得。
【Happy Barbershop HK】
營業時間：10am – 8pm（星期一至六、星期日休息）
地址：觀塘駿業里8號世貿大樓1402室
Facebook：HAPPY Barbershop HK
Instagram：@happybarbershophk
聯絡電話：9228 8489
網站：bit.ly/30qLDxD
⑦ 82 Eightytwo Barbers（石門）︱英倫風Barber Shop力推父子優惠
82 Eightytwo Barbers 由兩位80後——髮型師 Vic 及室內設計師 Keith 於2021年年頭創辦，二人表示在殖⺠背景薰陶下，他們對英倫文化情有獨鍾，而在英國，父親帶兒子到Barber Shop理髮是一種傳統及生活日常，他們希望在提供價錢相宜的Barber服務（基本理髮由$200起）之餘，亦能將這種緊密的親子關係與文化帶到香港，所以店舖設有父子理髮優惠（$300），鼓勵香港的父子一同前來感受這種男士專享的理髮體驗。同時，創辦人堅信品味可以從小養成，認為店內的英倫音樂、牆上及地板的拼花瓷磚、深色原木和皮革等充滿英式復古韻味的裝修細節，能為小朋友大開眼界。
【82 Eightytwo Barbers】
營業時間：11am – 8pm
地址：沙田石門安麗街18號達利廣場903室
Facebook：82 Eightytwo Barbers
Instagram：@eightytwo.barbers
聯絡電話：7071 0602
網站：bit.ly/3Hoam6G
⑧ 和你飛髮（荃灣）︱中環髮型師提供高質$70單剪
「和你飛髮，係一間只做單剪嘅髮型屋，想將在中環髮型屋學到的技術帶給廣大市民，讓大家知道『單剪不等於求其』，勿忘初心，方得始終。」荃灣單剪理髮店「和你飛髮」的負責人解釋店舖理念時說道。和你飛髮上年四月開業，由兩位中環髮型屋出身的理髮師主理，雖然服務價錢便宜（$70）、舖位只有三個剪髮位，卻無阻二人發揮自己的技術。無論男女老幼，只要是坐在理髮椅上的人客，他們便會努力盡責，既會教導男客人正確的分界造型方法，亦會因應女客人頭型提議頭髮長度，幾乎幫襯過的客人都會「返轉頭」，就算7月將價錢由$60上調至$70，大部份街坊都表示力撐、一味讚好，足見其深得街坊歡心，可謂是荃灣的「街坊良心單剪」。
【和你飛髮】
營業時間：10am – 8pm
地址：荃灣荃豐中心2樓c78
Facebook：和你飛髮Hair Cut With You
Instagram：@haircutwithyou
聯絡電話：6298 7879
⑨ Black Rose Barbershop（尖沙咀）︱主理人外國學師負笈而歸
有中環出身的髮型師，當然亦有曾到外國深造的Barber，尖沙咀 Black Rose Barbershop的主理人Don曾到澳洲及荷蘭的Barber學校學習理髮，從中得出自己一套處理外國人與亞洲人頭髮的技巧：外國人頭形飽滿、髮質較軟，亞洲人頭細、頭髮較易橫生，髮型比例與邊線都需要調整，寥寥幾句已經盡見功力。Don亦提出Barber能剪出型格髮型固然重要，但更應該重視與客人的交流，一般Salon大多優先處理染、電客人，淨剪的客人一般都較易被忽視，而相反Barber Shop只專注做好男士剪髮、面部護理，有更多時間與客人溝通，得出雙方共識後才真正「動刀」，結果自然有所分別；一瞥他們專頁上顧客理髮後的相片，位位都咁Sharp醒，果然所言非虛。
【Black Rose Barbershop】
營業時間：11am – 10pm
地址：尖沙咀漆咸道南5號地舖
Facebook：Black Rose Barbershop
Instagram：@blackrosebarbershophk
聯絡電話：3595 3466
網站：bit.ly/3wXkr5D
