My Little Airport有云：「邊聽邊講我忘了怎去99咖啡店～」，但開業剛滿十週年、在全港坐擁七間分店的咖啡豆專賣店My Little Coffee就同各位啡迷講：「無有怕！隨時有啡歎！」原來近期小店分別在九龍塘、沙田、荃灣西及將軍澳，各設置了一部自動販賣機，專賣自家烘焙咖啡豆、掛耳包及咖啡器材等產品，幾乎每兩日就要補一次貨。在天氣驟降之際，讓各位香港人隨時都能買到靚豆，實在係「寒天飲熱啡，點滴在心頭」。
文：Layne
圖：編輯部
販賣機內包含來自多個產地的咖啡豆，每週由工場新鮮烘焙、運到各機，例如巴西的「巴烏莊園黃波旁」（$85/150g）、巴拿馬的「翡翠莊園 紅標藝伎日曬」（$350/100g）及自動販賣機獨家發售的洪都拉斯「海盜 蒙德西猶斯」（$80/150g）等，機內每批次咖啡豆清晰寫上烘焙日期，一旁的螢幕可以細看不同啡豆的來源、處理方式、烘培度及風味等資訊，就算是自販機都不失專業。同時亦備有手搖磨豆器及日產纖維咖啡濾紙等沖啡架生。
唔想自己研磨咖啡豆也毋須擔心，皆因還有一次可以試勻8款不同風味的「環遊世界咖啡掛耳套裝」等緊大家，口味隨機無得揀，無論想由零沖起，抑或間中淺嘗都滿足到你。睇嚟以後「忘了怎去99咖啡店」，都可以隨時一止咖啡癮。
【My Little Coffee咖啡豆自販機】
地點：沙田站（閘外）、將軍澳站、九龍塘站，荃灣碼頭（往珀麗灣渡輪碼頭）
Facebook：My Little Coffee
Instagram：＠mylittlecoffee
