油麻地 Mamaday｜唐樓café 6點後變鬼屋我哋真係好鍾意香港…鬼故

上年10月，活在香港地，每日都好驚嚇，蘭桂坊Halloween那種鬼面具，那些七孔流血的化妝，現時看來，比起新聞圖片，原來只屬bb班。今年10月，撞上疫情，油麻地一間出名主意多多的café決定勇字當頭，出錢出力搞鬼屋，夠膽在我城風雨飄搖之時搏君一叫，負責人說：因為我哋真係好鍾意本土鬼故。

文、圖：Hang

油麻地餐廳“Mamaday”即日開始會在黃昏6點後變身「鬼屋」，最大賣點就是鬼屋體驗就發生在三層高的唐樓之中。

香港人就去香港鬼屋！

在Café界，”Mamaday”一向都是滋事份子 — 室內設計的踩界語句，抵死菜式名，玩味餐具，都是他們的特色賣點。今次在佐敦分店不玩食物，改玩鬼屋，店主之一Matiny說：「一向鍾意留意唔同地方嘅鬼屋，睇得多，玩得多，就會諗，點解香港會缺少自己特色嘅鬼屋？當然我知主題樂園都用過本土做主題，但我哋幾個店主都想做一間本土味更重的。」

鬼屋限聚令只限4名院友進入

說本土味，當然是指在香港廣為人知的民間鬼故事：93年九廣鐵路廣告、辮子姑娘、長洲東堤小築…..（筆者是80後，單單看到這些標題已經不寒而慄）。她心目中的鬼屋，和主題樂園的反其道而行，「大家都習慣同好多朋友一齊去玩鬼屋，但其實，咁多人，點會驚？我哋鬼屋每次只限4人參與，加上我哋café地方細，但細反而先似香港，好多陰暗角落，收埋好多驚喜，唔會因為地方太大而走馬看花。」至於鬼屋內容，驚嚇位，自是秘密，只可透露這一切都是由一單佐敦唐樓的駭人肢解案而起，你入得鬼屋，就要有份用腦解謎破案。

恐怖背後都是專業

幻想還幻想，要執行還是要落手落腳做。做鬼屋，最緊要有「鬼」。今次請來的「鬼」都是經驗豐富的演員，搞氣氛，帶領解謎都很熟手。再來是化妝，找來專業特技化妝師Gary Chan合作，演員們的鬼面模需要每日更換一個新的，背後很花功夫。鬼屋暫定會開放至11月中，自問「嚇大」的香港人，即管來試試膽量！Matiny最後提醒參加者要盡量跟從指示「譬如去到某個場口，要戴面具，如果唔戴，就感受唔到最完整嘅氣氛。」