旺角一日三餐｜譚文豪旺角開茶餐廳︱黑松露菠蘿包勉勵港人：香港人最緊要有得揀

聖誕聚餐：無
聖誕Party：無
新年倒數：無
年末旅行：無
節日氣氛：無
戲院：無、美容院：無、健身中心：無、一家四口同枱慶祝食餐飯：都無。
香港人捍衛自身權利的能力呢？去年開始，也不見得有。
或者是為啖氣，也可能是實際需要，站在仍然貼上紅紙的新店招牌前，首次做餐廳老闆的譚文豪（Jeremy）說：「做人最緊要有得揀，由我做機師開始，到後來做議員，都無停過為自己搵選擇，今次開茶餐廳都係其中一種。我希望香港人都有得揀。」

文、圖：Hang

餐廳位於通菜街面向廣華醫院那邊，店門前有街販檔口，不過大家不會錯過，因為店前經常站著一條長長人龍。

飛機師空降茶餐廳為人生換跑道

星期二，下午三點，旺角通菜街與登打士街交界，站了一條人龍，店門前掛起一塊招牌，是餐廳名「一日三餐」。說來不無諷刺，因為餐廳開店（soft opening）後五天，6pm堂食禁令就實施，一日最多只可做兩餐。問譚文豪，上一次安安樂樂地吃足一日三餐，是幾時？他說「嘩真係唔記得了，我琴晚3點走，今朝7點已經開工。」

他的履歷，有留意新聞的，當然不陌生。要把廿多年光陰簡化做幾句：「我覺得做人有選擇係非常重要，以前做機師時，會諗如果我唔飛，可以做乜？後來做議員，就會諗如果唔做議員，可以點？近年香港環境如此不穩定，當然會令我諗得更多，自己仲有咩可以揀？」Jeremy是行動派，年前他有感種種壓力日大，終於決定捲起衣袖，再轉跑道。「加上從政時一直有想實行的理念，例如員工侍產假，勞工假期，環保理念等，好想逐一執行，就索性靠自己開餐廳去證明。」

早陣子因為店內溝通有誤，Jeremy不得不親身上陣洗碗。（譚文豪facebook圖片）

（瑤柱蒸肉餅製作中）王牌菜式之一，肉餅多肥少瘦，鋪上瑤柱絲去蒸，出來鬆軟帶點肥肉香。

為理念自己洗碗

說到理念，他態度清晰，為支持環保，外賣盒他只用自己挑選過的，成本比一般外賣盒高。話說開店頭幾天，人手分配出了誤會：「當日朝早，因為人手問題，堂食碗碟洗唔切，但又要出餐俾客，同事就誤把外賣紙盒餐具堂食用，完全有違原本環保理念，當然唔得！」Jeremy得悉後立刻叫停，趕回店落手落腳幫手洗碗，又在餐廳facebook出文解釋致歉。

同樣的事，也發生在外賣，話說餐廳暫時只做外賣自取，暫不送貨，「漏單錯單的情況時有發生，有一次因為完全把兩張外賣單掉轉了，我唯有揸車去補送。」宗旨執得緊，連牆上的海報，廚房用的豉油，沖檸檬茶的茶葉牌子，他都每事問，「有一次沙嗲牛肉醃入不夠味，就決定暫時停賣半日，等到再醃好，調好味，再推出。」

**瑤柱蒸肉餅 $54**
肉餅對香港人而言有種住家飯的幸福感。豉油微甜清徹，滲進鬆軟肉餅中，再扒啖飯，家常滋味。

黑松露菠蘿包勉勵港人靈活多變

理念還理念，吃下肚的，始終是食物。設計餐牌時，Jeremy也把自己最愛的肉餅安放其中：「由細到大都好鍾意食蒸肉餅，一定要夠鬆，軟，帶肥肉香先好食。」這裡的肉餅自是必叫，肥肉比瘦肉多，面頭加了瑤柱去蒸，伴碟的豉油自己調過味，甜甜地，配軟腍的肉餅，再扒啖飯，實而不華，卻是每個香港人的comfort food。餐牌上也有其它典型茶記美食如乾炒牛河、福建炒飯、焗豬扒飯、撈公仔麵、雜扒餐；輕食有西多士、三文治、港式快餐等，當中有一項，譚文豪特別想藉此勉勵港人：「傳統菠蘿包一直係基層飽肚之物，但其實一樣可以做得靈活有變化，唔加牛油，轉為用松露醬去炒，升格之餘又更好食。當今香港人面對大環境都要一樣，一定要識靈活走位，變通。」