榮記茶餐室屹立慈雲山接近30年，首創的煲仔沙嗲牛肉麵一日可賣80份，口碑載道。店舖於上月進駐旺角開設副線分店「煲仔榮記」，推出升級版沙牛麵——「沙嗲牛沾麵」，湯底濃度比湯麵版本更加濃稠，挑戰食客們的重口味極限。另外，店內亦有以乾冰底座呈上的新菜式「虎蝦Come撈汁冰煲冷麵」，以及各款榮記自家製醬汁，包括蠔王、蒜油、蝦油等，方便大家買返屋企DIY。

文、圖：Layne

採訪當日正值假日午市，記者離遠在街頭已見到榮記顯眼的戲棚式招牌下，企滿輪候的食客。走進店內，格局與日式拉麵店相似，空間較小、只有約30個座位，裝潢行香港懷舊風。安裝於Bar檯位置上的室內花牌十分搶眼，赫赫寫有「煲仔榮記」四字，仿戲棚造型設計而成、抬手可拍，不失為一個打卡位。不過店舖空間不大、只有約30個座位，如果大家想一嘗沙嗲牛沾麵的滋味，就最好避開午市時間。

最令人驚喜的是，就算裝潢風格再變也無改榮記「貼地街坊小店」的特色，在蛋撻出爐時，師傅會大聲向店內食客宣佈，充滿市井地道感覺，而幾乎不到半分鐘，蛋撻就已經被買剩五個，十分搶手。難得有老字號殺入旺角，各位行過路過，都記住唔好錯過啦。

【榮記茶餐室旺角分店 – 煲仔榮記】

營業時間：12nn – 10pm
地址：旺角花園街1號鴻禧大廈地下K號舖
Facebook：煲仔榮記
Instagram：＠bojaiwingkee