想試到最正宗的讚岐烏冬未必要支持大財團，良心小店都可以有最地道嘅手打烏冬。主打鮮製手打烏冬、坐擁四間分店的「鰹烏冬」，主理人曾隻身到讚岐烏冬發源地——香川縣學習其歷史與正宗製作方法，近期他為了讓港人在家品嘗這份日本原味，開設烏冬團購，無論生熟都可以買到。
文：Layne
圖：受訪者提供
小店出品的烏冬採用日本小麥粉，每日新鮮製作，每個都設有獨立包裝，淥起上嚟夠方便，想跟足地道口味，更可以連醬油魚乾湯包購買。目前小店更有買四送二、買八送四團購優惠（價錢由$120起），啱晒大家儲糧抗疫。
小店更貼心地在Youtube發佈了一條生烏冬烹煮短片，手把手教識大家煮出彈牙烏冬，主理人推薦大家整湯烏冬時可加入少量蔥花及薑蓉；冷烏冬則可加入日本芥末，食起上嚟風味更佳。他亦透露目前正嘗試推出小店招牌小食「骨付雞」餸包團購（$65，一包兩隻），暫時只有北區、東涌地區適用，不過日後會逐步加入其他地區。
小店目前除了佐敦分店因所在的逸東酒店轉為防疫酒店而暫時停業外，其餘分店皆設外賣，大家亦可前往幫襯。不過如果屋企附近冇分店或想儲糧的話，就記住留意官方專頁啦。
【鰹烏冬】
FB：鰹烏冬 Katsuo Udon
IG：@udon.hk
團購傳送門：http://bit.ly/34NhLOr
