觀塘，一個好像永遠和「Chill」扯不上關係的地方——寸金尺土，車多人多，迫到入去開源道過馬路當你贏，更莫講觀塘餐廳條隊午市有幾長。不過，最近本地人氣良心咖啡店 sensory ZERO ，竟然進駐賣電話卡和魚蛋燒賣而聞名的觀塘廣場的賽馬會裡面，而且座位多、空間大、嘢食正，賽馬日更有特別menu，空間內提供書籍或雜誌讓人休息一下，喺係觀塘Chill住過一日再不是夢！
觀塘鬧市中的山系Cafe
觀塘廣場的賽馬會是區內地標之一，近日重新裝修後驚喜地與 sensory ZERO 合作，在一樓開設名為Turfland的Camping主題餐廳，落地大玻璃前設置露營打卡位，餐廳內有大樹裝飾，加上廂座、木枱等裝修木材都是由「香港木材」提供，山系感滿滿，頗有在鬧市中野餐露營的隔世感。
另外，Sensory Zero更在觀塘店推出獨家餐牌，包括限定和牛漢堡、巴馬火腿薄餅以及重點推介「我唔係肉鬆其實係芝士咖啡」，奶泡上面灑滿芝士碎，飲落超Creamy！適逢賽馬日更有特別menu，$228食匀餐湯、主菜、甜品，配一杯精品咖啡或特飲，主菜選擇包括日式豬軟骨溫泉蛋飯、美式All Day Breakfast漢堡、煙三文魚菠菜意大利粉，梗有一款啱你食。不過賽馬日用餐需要事先預約才能進場，其他時間接受walk in，而且不設時限，chill足大半日都得。大家下次經過開源道，不妨上去抖抖氣啦！
加入日本明治鮮奶、朱古力碎、Valrhona 可可粉，飲落朱古力味濃郁厚滑而不膩。
【Sensory Zero觀塘店 @ Turfland 】
地址：觀塘廣場Turfland 1樓
營業時間：12nn – 9:30pm
賽馬日訂座連結：bit.ly/3BN5G8z
IG：@sensoryzero
FB：sensory ZERO
備註：未滿十八歲人士不得投注或進入可投注的地方
