荃灣天橋四通八達,不過對於路痴來說,分分鐘會盪失路。好消息是,以同時供應亞洲Fusion菜而聞名的咖啡選物店「HOW to live well」,繼尖沙咀及銅鑼灣分店後進駐荃灣,選址在經天橋可以就直達的荃灣廣場。無論你是吃貨路痴、購物控、打卡控,呢度都可以一次滿足你三個願望!
![荃灣美食,荃灣cafe,荃灣廣場,how,how to live well,fusion,薯條,芝士薄餅,意粉,意大利飯,tiramisu,coffee,咖啡,選物,蠟燭,瓷器,白瓷](https://www.andthen.hk/wp-content/uploads/2022/10/Interior-05-scaled.jpg)
HOW的荃灣新店貫徹觀塘時期以及另外兩家分店的設計,採用落地大玻璃採光與原本質感,店中間更有來自志記𠝹木廠的原木長枱,店內更擺放了原本裝飾,感覺天然舒適,小清新感覺啱哂各位文青打卡。睇得當然都食得,Fusion菜向來是HOW的看家本領,為慶祝荃灣店新開而推出的泰西Fusion主菜,冬蔭功花蛤燴糙米飯及泰式墨魚意粉是主廚推介,兩者都混合了泰式酸辣,轉季冇胃口食佢至啱。如果一班人Share食,不妨可以嚐嚐六重芝士簿餅及大阪風薯條,前者包含莫薩里拉、巴馬臣、車打、芳提娜、貢佐拉及傑克芝士,再倒上花蜜,一入口先是濃厚的芝士香,再有陣陣花蜜甜味,味道出奇地夾;後者有番茄醬、和風醬及蛋黃醬任蘸,同朋友一齊Share鹹甜配搭都唔怕邪惡!收尾想食甜品又怕冇Quota,不如嗌個可以飲嘅Tiramisu!Baby Cigar混合了咖啡凍、牛奶及Tiramisu醬,將面頭的手指餅浸落咖啡中,彷如個輕量版的Tiramisu,負擔感少啲又可以食多啲!
![荃灣美食,荃灣cafe,荃灣廣場,how,how to live well,fusion,意粉](https://www.andthen.hk/wp-content/uploads/2022/10/泰式墨魚意粉-scaled.jpeg)
![荃灣美食,荃灣cafe,荃灣廣場,how,how to live well,fusion,意大利飯](https://www.andthen.hk/wp-content/uploads/2022/10/冬蔭功花蛤燴糙米飯.jpeg)
![荃灣美食,荃灣cafe,荃灣廣場,how,how to live well,fusion,tiramisu,coffee,咖啡](https://www.andthen.hk/wp-content/uploads/2022/10/04-copy-2.jpg)
![荃灣美食,荃灣cafe,荃灣廣場,how,how to live well,fusion,薯條](https://www.andthen.hk/wp-content/uploads/2022/10/05-copy-1.jpg)
![荃灣美食,荃灣cafe,荃灣廣場,how,how to live well,fusion,芝士薄餅](https://www.andthen.hk/wp-content/uploads/2022/10/Six-Cheese-Pizza-scaled.jpg)
食飽飽當然要行下消化下,HOW亦採購了來自世界各地的生活好物,如從日本遠道而來的線香、蠟燭、陶瓷等生活小物,如果大家都想「live well」,可以打完卡食完嘢預留時間逛逛HOW的選物,趁新開業就去試試頭啖湯吧!
![荃灣美食,荃灣cafe,荃灣廣場,how,how to live well,fusion,選物,蠟燭,瓷器,白瓷](https://www.andthen.hk/wp-content/uploads/2022/10/DSC06444-copy.jpg)
![荃灣美食,荃灣cafe,荃灣廣場,how,how to live well,fusion,選物,瓷器,白瓷](https://www.andthen.hk/wp-content/uploads/2022/10/DSC06447-copy.jpg)
【HOW to live well 荃灣分店】
營業時間:12nn – 10pm
地址:荃灣廣場3樓343-345號舖
FB:HOW to live well – Tsuen Wan Plaza
IG:@how_dept