「夠鐘食晏，買個漢堡包再加杯手搖就啱晒啦！但係得一個鐘邊夠時間行咁遠呀！」定啲嚟，因為備受熱捧的漢堡店「嘉寶漢堡」和來自葵廣嘅茶飲店「茶芝味」最近聯手在旺角廣華街開店，一間舖頭有齊兩大人氣美食，漢堡包餐轉配手搖飲品更有優惠，食多少少銀包都冇咁大負擔。
店內單叫最平的香蔥漢堡$38起，如果加$16跟餐就可以有一份小食以及一杯汽水，轉配茶芝味的手搖則可按原價減$8。不過一場來到不妨試些特別口味，例如坊間少見的孜然香辣羊堡，羊肉不羶也不柴，加上孜然粉超惹味。如果想吃得清淡一點，亦可在漢堡包中加配大啡菇，中和一下辣味。
另外，記者特別推介小食粟米片炸雞，即使放了半小時仍然香脆，加埋酸酸甜甜的蜜糖芥末醬更開胃。至於茶芝味耍家的芝士奶蓋來到旺角店仍然保持水凖，其中芝士芒果沙冰的濃厚奶蓋配上清爽沙冰，解膩過後又可以再戰！「新舖新豬肉」，大家呢幾日lunch就去搶食頭啖包啦！
【嘉寶漢堡✕茶芝味】
地址：旺角廣華街1號仁安大廈地下22號舖
營業時間：12nn – 10pm
FB：嘉寶小食｜茶芝味
IG：@kabo.burger｜@cheesetea_gfhk
