本屆世界盃即將迎來尾聲，各位球迷如果要通頂睇波，手中又點少得幾種惹味、好送酒的邪惡零食呢？近期編輯部就發現了一款意想不到的嶄新口味零食——「腐乳魷魚絲」，原來是擁有50年歷史、本地老字號醬園「大孖醬園」與友良辦館聯乘推出的破格之作，每包售價為$24，略嫌比市面上其他種類的魷魚絲貴些少，但它是否貨真價實，就等AndThen試食專員品嚐過話畀大家知。

文：Layne
圖：Layne、相關品牌Facebook

甫開封，一陣醬料舖的雜陳氣味撲面而來，魷魚絲表面濕潤、呈金黃色，睇落似被一層薄薄的醬料包裹住。入口之後，魷魚絲的甜味較重，未覺有太濃郁的腐乳鹹香，不過口感頗為緊實，細細咀嚼後，齒頰間慢慢有餘香滋生，食到尾更會有極細微的辣味，整體來說算得上一款惹味的伴酒小食，值得一試。

不過提提大家，雖然腐乳魷魚絲在大孖醬料全線分店有售，但由於貨量有限，加上街坊積極捧場，許多時候都未必有現貨，大家最好先打電話到相關分店查詢貨況，問清楚後再落舖，免得摸門釘啦。

【大孖醬園X友良辦館「腐乳魷魚絲」】

價錢：$24/包
大孖分店列表：bit.ly/3Y4278p
查詢電話：6764 3517
Facebook：大孖醬料（網上商店）