日本偉人長崎良尾曾經講過：「臨到月尾，就係應該捱麵包。」但良心麵包舖嘉多娜餅屋就話你知，食包唔止包食飽，仲可以食得好招積！皆因近日小店與日本養雞協會合作，推出採用著名日產靚蛋「蘭王」炮製的港式料理麵包——「午餐玉子堡」（即餐蛋包），麵包將於即日至12月31日期間在嘉多娜油麻地店限定發售（$16/個），大家想一嘗這款Royal級餐蛋包的話，記住唔好去錯分店啦。
文：Layne
圖：相關單位Facebook
在午餐玉子堡的製作試食會當日，日本駐香港總領事館的總領事岡田大使親自炒蛋、製作麵包，過後亦品嘗了這款麵包，並盛讚它蛋香濃郁、口感軟綿，一口氣食了兩個落肚。而嘉多娜負責人之一的阿傑表示：「嘉多娜的經營策略，就是用最優質食材製作大眾容易接受的麵包。」如果午餐玉子堡反應熱烈的話，將考慮將其定為常設麵包之一，咁多位識食之人不妨趁限定時間未過，多多支持小店的出品，以嘉多娜的創意，可能有機會見到更多特別口味的餐蛋包呢！
【嘉多娜餅屋油麻地店】
午餐玉子堡價錢：$16
限定發售日期：即日至12月31日
營業時間：6:30am – 9pm
地址：油麻地碧街54號地下
Facebook：Kadoorie bakery
Instagram：@kadoorie_bakery
