杜汶澤旗下品牌「小杜良品」，其拌麵和鴨血有大堆Fans排晒隊一出即掃，自從撤出唯一實體銷售點後，一班擁躉苦候兩星期，終可現從各良心網店大手入貨。小杜良品更加新推出花椒之味拌麵（$58/4個），麵底採用台南天然風乾關廟麵，兼且用紅花椒、青藤椒、丁香、八角等製成紅油。
杜生揚言要「自己打自己」，話仲好味過甫推出就大受歡迎的法式鵝油味拌麵（$88/4個），雖然足足平了$30，不過依然有驚喜，係咪真係咁正？編輯部今次攞到第一批貨為大家試食。
一包拌麵有麵餅和醬料包各一，新款麵條較之前的鵝油味拌麵幼身，拌完後色水較其他麻辣拌麵更深。記者依照包裝烹調時間煮了7分鐘，覺得麵口感偏腍，入口花椒鹹香爆發出來，吞咗落肚舌尖、口唇亦有微微麻痺感，令人食唔停口，越食越辣，辣度如某米線連鎖店的四小辣。份量正好是一個宵夜，大食記者用來做午餐就要打孖上，不過略嫌油份不足，吃多了有少少「笠口」，私家推薦食時除了配上杜生建議的肥牛，再多落幾滴麻油就perfect池。今次杜生「做大個餅」，不再一店獨大，花椒之味增胖麵首批在網店「好生活」等有售。記得唔好排隊，要網上掃貨啦！
現時在各良心網店有售。
【好生活 Good Life】
地址：荔枝角新昌工業大廈204A
電話：5479 2728（只限Whatsapp）
網址：Good Life
FB：好生活
IG：@goodlifecomhk
