一向以外賣店形式經營的東屋台，主打的港人口味大阪燒已經喺屯門打響名堂，為了讓大家能夠坐低享用飲返兩杯，東屋台終於都開設堂食店！選址鄰近天水圍濕地公園站附近地舖，環境清幽，店內裝潢偏向日式木系，日間光線充足，適合情侶、朋友邊食邊傾偈，堂食店主張拉近人與人之間的距離，同時想帶給客人有家的感覺和體驗屋台的日本文化。

文：陳粒
圖：東屋台

港人口味大阪燒

新開設的堂食店食物，自然比屯門外賣店豐富，由前菜沙律、小食、主食、甜品一應俱全。新店繼續有招牌大阪燒，有6款不同口味如章魚大阪燒、櫻花蝦蝦大阪燒、火炙芝士海鮮大阪燒等。由粉漿至醬汁都經過改良，採用新鮮椰菜和大量配料，配上自家調配的芥末沙律醬，味道清爽開胃，特別的是可選擇加配麻辣，口味新奇，每一口都充滿驚喜。

日本傳統的大阪燒一般份量比較大，有時一個人未必食得晒，所以店主細心特製一人都可以盡興的份量，二人追加小食就剛剛好。大阪燒能夠客製化，因為配料至醬汁都可以自由選擇，客人可按個人喜好使用店內的自助售票機點餐，自選口味，以大阪燒為例，可選擇醬料份量或走醬。店主話務求烹調出最貼近客人的口味，絕對是專屬港人的大阪燒！

除了大阪燒，牛丼亦是人氣之選，選用日本珍珠米、自家調配的牛肉汁，以獨家烹調方法慢煮牛肉和肉汁，而且係即叫即製，可品嚐到牛肉的最佳質感。

喜歡吃日本米飯的朋友亦可選擇野菜黑咖喱雞飯，咖喱帶有蔬菜的甜味，皆因店主落足材料，包括蘿蔔、薯仔、洋蔥等，亦可自由配搭多款主食，例如吉列蝦（+$15）、炸白菜豚肉餃子（+$15）、唐揚雞塊（+$20）等。

甜品方面，芝士蛋糕就有四款口味選擇，特別推介日本柚子芝士蛋糕，表面撒了柚子皮粉，味道清新不苦澀，甜品只限堂食店供應。

為讓客人體驗到屋台的文化，堂食店提供不同品牌的日本啤酒、Sour和Highball，是大阪燒的最佳配搭。唔飲酒的話亦有多款茶飲（$20起），茶底有綠茶、紅茶、烏龍茶等自由選擇，所有茶葉均由台灣入口，茶味香濃又解膩。

有時間到堂食店慢慢享用當然最好，但東屋台對生活節奏急促的香港人照顧周到，大家可於網上下單，最快15分鐘後到店自取。充滿誠意又良心滿分的日式屋台料理，不妨親身前往幫襯一下！

【東屋台 – 天水圍分店】

地址：天水圍濕地公園路1號Wetland Seasons Bay G09 號舖
Whatsapp：9578 6862
營業時間：11am – 9:30pm
FB：東屋台 Dan Yatai
IG：@danyataihk
網址：下單自取