麵店潮州人踩入鰂魚涌｜推全新痛風海鮮大碗飯

自17年開業的麵店潮州人，就憑其高質麵食站穩陣腳，除了遠近馳名的花膠米粉是其招牌菜，店主更稱手切肥牛湯米粉（$57/細、$66/大）常常開店首小時就沽清，受歡迎程度可見一斑。去年逆市擴張進駐灣仔開分店後，今年再下一城，上月於鰂魚涌開設第3間分店，全線亦同時推出痛風大碗飯（$108），各位港島東街坊又有多個好西選擇。

潮州人的麵食一向用料豪華兼抵食，大碗米粉配花膠、廣島蠔等上乘食材，$70樓下就可以食到，而今次的痛風大碗飯更是海鮮大雜燴，大蜆、蝦、廣島蠔一碗有齊，海鮮肉質飽滿，面層再鋪滿大量蟹籽，樣子IGable又邪惡，讓人無從下「𢳂」，就睇你夠唔夠膽和痛風一戰。不過要留意時令海鮮隨時沽清，痛風飯只限堂食，大家一於盡快探探鰂魚涌新店，兼試試新菜單啦！