一直深受食客歡迎的台菜店「六両三」上月尾宣佈進駐港島，於天后開設第3間分店，消息一出，一班食客都好興奮，表示「港島人終於等到了！」六両三自17年在香港開業後，台灣老闆Ivan一直堅持用新鮮材料，炮製地道無味精台式菜。今次天后店更加邀請到本地插畫家茶色金魚 draculatoki 及 Toki Cheung – 多鵸 一同繪畫壁畫包含台灣特產如鐵路便當、啤酒、紅燒湯麵等，餐廳有不少打卡位，更似飛到台灣！
一場來到當然不止打卡，推薦大家試試馳名牛肉麵（$77），粗麵掛上馥郁湯頭，加上入味牛展的確正，蔥油拌麵（$46）入口的香氣亦一流，更可以點多個牛三寶拼盤（$98）加餸。細食人士怕浪費亦可以點個滷肉飯（$32），份量雖然的骰，但滷肉亦足料，去開港島大家識食啦。
【六両三 天后分店】
地址：銅鑼灣水星街9-11號鉅利大廈地下
營業時間：11:30am – 9pm
FB：六両三•台灣食堂 / 六両三•台灣牛肉麵
IG：@6liang3
