「唔係個個都有啖靚湯飲」，可能係唔少打工仔嘅心聲，唔好咁頹住！熱狗店齊柏林聯乘湯包專門店閨．家推出 《全港狗🌭齊飲湯》，照顧每一位缺乏湯水嘅香港人。即日起，於齊柏林各分店（中大除外）買任何食物加$29就飲到熱辣辣嘅花膠杞子煲雞湯。閨．家主張健康無添加、無防腐劑、無味精和足料見稱，今次將家的味道融入熱狗店，打破熱狗配汽水的傳統組合。

閨．家的湯包雖然可以在超市或網上買到，但現場加熱即飲又另一番味道，記者就為大家率先試味。

即叫即製的熱狗滿滿芝士有拉絲效果，加上菠蘿和千島醬，甜甜酸酸夠開胃，獨食也不覺太膩。飲湯最緊要夠熱，一碗已有四嚿花膠加兩件雞件，實在足料，而且味道清甜不油膩，食完熱狗再飲啖熱湯，有舒胃滋潤感覺。

齊柏林一向創意多多，由單純賣熱狗到兩餸飯再自設工場整麵包，又不定時聯乘本地品牌推出新產品，即將又有加熱即食餸包登場，令人充滿驚喜。今次聯乘是期間限定，售完即止，想飲啖靚湯嘅朋友要趁熱飲啦！

閨•家 x 齊柏林【全港狗齊飲湯】

地址：齊柏林熱狗全港分店（中大分店除外）
網址：http://bit.ly/40Y8FG1
推廣日期：即日起至另行通知（可自行查詢或留意有關公佈）
IG：齊柏林 @zeppelinhotdog｜閨．家 @homiefoodhk