夏日炎炎熱到冇晒心機，不如食返啲甜品開心下！在元朗開業10年的良心心太軟專門店Sugar Ma Ma，於19年遷至屯門虹橋後，以濃郁大份心太軟打響名堂，在疫情期間曾推出自由定價甜品及免費請基層家庭食心太軟。近日回歸元朗國開設外賣分店，不過隱身在小巷之中有點難搵，要小心留意告示牌唔好行過龍！

話明是「心太軟專門店」，當然必試心太軟，分別有中及大Size，前者可選配一球雪糕，後者則可選配兩球，每天的雪糕口味也不同。其中必食原味朱古力心太軟，一切下去流心效果超澎湃，可可味極濃，記者私家推薦搭配味道較清新的雪糕，如百香果等（+$3）以中和膩感。而且大Size足有手掌大小，足夠3人分享，價格稍為進取但也物有所值。另外亦有其餘特別心太軟口味如紫薯、榴槤等，當中榴槤口味的流心效果雖不及朱古力，但勝在能吃到啖啖D24榴槤果肉，店主推薦搭配雲呢拿雪糕同吃，十級滿足。

另外他們亦復刻當年元朗店餐牌之一的乳酸特飲，例如用士多啤梨和檸檬調製成的「草莓愛侶」，味道清新，消暑一流，共8款口味，都是用不同水果和汽水調製而成，暫時只有元朗分店供應。

【Sugar Ma Ma 外賣店】

地址：元朗壽富街33號好利洋樓地下P鋪
營業時間：4pm – 12mn（星期二至五）、3pm – 12mn（星期六至日）；星期一休息