香港人一年四季都打邊爐，食雪糕都唔例外！尤其現時未踏入夏季經已熱到原地融化，最好就食返杯透心涼嘅雪糕！食雪糕亦不妨支持香港製造，編輯部為大家整合了五間本地雪糕品牌，均設有自家工場，用料講究，部分更推出港式口味，如果想食得健康亦有純素雪糕選擇。當中包括最近觀塘工廈的人氣雪糕、銅鑼灣椰子純素雪糕、得獎奶茶雪糕等。最重要是五間品牌均設有外賣杯裝，方便大家買返屋企存貨，隨時都可以享受本地出品的雪糕。
文：陳粒
圖：相關品牌提供、各店IG
① GANTO GELATO｜觀塘人龍雪糕店 限定港式口味
最近人氣高企的雪糕店莫過於這間隱身於觀塘工廈的GANTO GELATO。去年3月於觀塘自設廠房製作意式手工雪糕，年底更開放工作室售賣雪糕，隨即引來網民關注。雪糕店每到午飯時段都大排長龍，平均要輪候半小時以上先食到，高峰時期日售逾400杯！雪糕店採用意大利機器生產，並選用日本蛋黃及牛奶作為意式雪糕的基底，每日新鮮製作共5款固定口味，包括開心果味、抹茶、焦糖燉蛋、豆腐黃糖及提拉米蘇，另外每月設立主題，推出6款限定口味雪糕，例如過去一月主題是「茶」，二月是「農曆新年」，三月是「星馬泰」。而今個4月是「港式茶餐廳」，口味包括酥皮蛋撻、奶醬多、粟米肉粒等。除了即買即食，現場亦提供杯裝或家庭裝雪糕，還會定期開放網上預售指定口味，讓大家買返屋企隨時食。
【GANTO GELATO】
工作室地址：觀塘成業街成業工業大廈13樓26室（請留意雪糕店每星期於IG公佈開放時間）
IG：gantohk
② SO COCO｜銅鑼灣純素椰子雪糕 乳糖不耐症都啱食
2016年成立的SO COCO主打用新鮮椰子做的純素甜品，尤其招牌椰子布甸深受港人歡迎，亦曾亮相於劇集《大叔的愛》製作特輯中，更引來「登神」粉絲追棒。布甸以外，其雪糕同樣標榜天然無添加色素、人造味道及防腐劑，花了兩年時花間研究，於2020年正式推出6款純素有機雪糕，口味包括椰子、抹茶、泰式奶茶、朱古力、士多啤梨及熱情果。除了指定CitySuper超市有售，2021年更進駐中環街市開設門市，售賣各式各樣的椰子純素甜品。去年更搬到銅鑼灣地舖，食品種類更多樣化，包括椰子咖啡、沙冰、雪糕、椰奶等，較受歡迎的招牌Signature Bowl以椰子肉與仙草為主，另可自選椰子布甸或雪糕，夏日消暑一流！
口味包括：椰子、士多啤梨、泰國奶茶、朱古力、抹茶、熱情果。6款口味均以椰奶做底，不含防腐劑、人工香料及人造色素，即使對牛奶敏感或有乳糖不耐症的人也可以食用。
【SO COCO】
地址：銅鑼灣霎東街9A
營業時間：11:30am – 9:30pm（逢星期一至三、日)，11:30am – 10pm（逢星期四至六）
杯裝雪糕銷售點：https://bit.ly/3vYp8A6
IG：sococohk
FB：SO COCO
③ Hello Molly Gelato｜中環街市30多款創意口味 打卡首選
2023年進駐中環街市的Hello Molly Gelato主打手工意式雪糕，開業至今已研發超過30款口味，每日輪流供應約12款，當中有不少口味獨特的雪糕，例如粟米、Wasabi及藍地球，藍地球是蝶豆花海鹽及抹茶蛋糕組合成地球兩色，賣相相當吸引。其實品牌早於2017年成立，自設工場並自家研發食譜。初期主要提供公司或婚宴雪糕到會服務，以及參加不同市集。一直堅持由原材料開始製作雪糕，而非使用現成的基粉，亦不添加防腐劑、人工香精或人工色素。當中較受歡迎的味道包括香芒椰子脆米、開心果、牛油果等等，還有多款港式口味：豆腐芝麻黑白配、鮮腐竹糖水、美祿恐龍、椰林飄香等，口味甚多，花多眼亂；還可以加配不同配料裝飾雪糕，啱晒相機食先。現場食完意猶未盡不妨購買0.5L的外賣盒裝回家再食過。
（單球$48，雙球$70，三球$85）
【Hello Molly Gelato】
地址：中環皇后大道中93號中環街市2樓241號舖
IG：hellomollygelato
④ The Nutter Company｜健康果仁醬雪糕 指定便利店有售
以手工果仁醬打響名堂的本地品牌The Nutter Company，一向堅持不添加糖、鹽、油或任何添加劑，並用100%花生以及各種果仁製作，以健康低熱量作招徠。2021年更推出以自家製果仁醬製作的雪糕，但售賣渠道有限，只能在指定超市或官網限量發售 ，因雪糕香滑濃郁又足料，經常一開賣就sold out。品牌近月就宣佈擴大版圖，4款特濃果仁醬Gelato登陸全港指定37間7-11便利店，口味包括花生醬海鹽、黑芝麻、榛子及開心果，雪糕香滑濃郁又足料，部份分店開賣首天不足半日已被搶購一空。想食就不妨開住雪糕地圖到附近一間買定一打半打入貨喇！
【The Nutter Company】
銷售點：TheNutter網站、指定超市及7-11便利店名單
IG：thenuttercompany
FB：The Nutter Company
⑤ 山浪｜得獎奶茶雪糕 指定便利店有售
2019年憑著「得獎奶茶」榮譽起家的「山浪」，出品的手工樽仔奶茶強調茶味，回甘有致。由本來在中環做金融的80後打工仔每日放工後鑽研港式奶茶，致力傳承香港的奶茶文化，更曾遠赴斯里蘭卡探訪當地茶廠和觀摩當地人沖茶的方式。山浪奶茶更照顧港人口味，調配出相對甜度較低的版本。去年中更推出奶茶和鴛鴦口味的杯裝雪糕，並在全港多間指定7-11便利店上架（記者曾到訪數間指定便利店只得一間有售山浪雪糕）。不少網民大讚雪糕茶味濃郁，入口甘醇幼滑；品牌還建議由雪櫃取出後放兩分鐘先開始食。如大家經過便利店不妨碰碰運氣，或經品牌網站或指定網店訂購。
山浪自家茶底配上高山錫蘭茶葉，令港式奶茶的濃厚茶味更加細緻，而且加入適量煉奶，令口感更順滑。
得獎港式奶茶的錫蘭茶配方，配上阿拉比卡咖啡，撞出鴛鴦特有的濃郁焦香口味。
【山浪】
銷售點：山浪網站、小城日和網店、 LOUDER各大門市、指定7-11便利店
IG：mtwaves
FB：山浪．港式奶茶 。Mt Waves – HK Style Milk Tea