人氣咖啡店BEANS推兩餸飯

香港兩餸飯店愈開愈多，就連香格里拉酒店都推出$88三餸飯盒，不過要講求經濟實惠，人氣咖啡店BEANS @beans_cafe_hk 就滿足此條件啦，皆因九龍灣分店近日推出自選料理便當外賣，開賣首星期更加推每日首50份只售$20的兩餸飯優惠（優惠已完結），現時價錢$40兩餸/$45三餸。建議九龍灣打工仔教定鬧鐘去買飯！

自選料理便當每日11:30am開賣，每日提供6-8款冷/熱盤，配搭一款主食：雜菜沙律、香草焗薯或白飯。推出首日的熱盤有咖哩豬扒、炙燒蜜汁叉燒炒滑蛋、汁燒鯖魚、蘑菇忌廉雞扒、檸檬蜜糖雞翼、茄子肉絲豆角等，菜式每日更新，即使$20優惠已完結變回正價依然是經濟之選。不論你是長崎良美或長崎武淺，都不妨為荷包著想一試！