新年、年宵有埞去｜港九新界4大特色市集

今個星期就是新年，相信很多人未到年初一個心已經放咗假，而學生甚至已經拋開書包準備去街，咁去邊好？編輯部為大家整理了四個市集，港九新界都有而且各有特色，甚至有明星KOL陪你過新年，有市集年三十晚更開到深夜，無論係放工、放假、放學都去得。

新年最緊要沾沾福氣，行勻曬咁多個市集今個龍年一定行運一條龍！

文：yuki
圖：相關單位提供

① 生意興龍 – LIFE MART 大型年宵及新年市集2024｜行到忘形市集

近年市集越搞越大，又YouTuber見面會又演唱會，不過仲有人唔夠喉，誓要有幾大整幾大，依個大會仲安排埋接駁車畀你玩到樂極忘形。LIFE MART、BLUE MART在D2 Place和饒宗頤館合辦《生意興龍 – LIFE MART 大型年宵及新年市集2024》，活動分兩階段：2月3 – 9 日的年宵市集和2月10 – 14日的新年市集，D2 Place 和饒館會同步進行年宵市集，而新年市集則在D2 Place進行。大型市集顧名思義咩都大同多，場地大，攤檔多，活動廣，一日都未必玩得曬。

兩個地方的市集邀請逾二百多攤本地文創及設計品牌、人氣 KOL 及插畫師品牌攤檔，擺檔主題大同小異，不過饒館設有不同主題區域，包括「插畫文創區」、「人生占卜區」、「百龍霸展覧」等等。另外市集更有「物件射龍門活動」讓你大顯身手，新年當然也要祈福許願，現場亦有「夜空許願體驗池」和「金樹祈願裝置」，而D2在年宵時也有不同的小活動和裝置，例如繪馬、鳥居等。兩個場地更準備了大量與本地插畫家聯乘的紀念品，均是免費換取，一個市集有紀念品又有得畀你玩盡買盡！

市集不同區域：

占卜、塔羅等身心靈類別的單位將會聚集在一起，讓人生路上感到迷途的朋友能夠得到一點啟示。
地點：饒館中區F座戶外位置

邀請了本地70多位插畫師聯乘創作接近100幅以龍做為主題的插圖作展出，迎接龍年。
地點：饒館中區F座地下室內

市集產品：

@faazok
迷你金屬玫瑰
可選擇用銅或銀製作
1.5cm*1.5cm*7cm
原價$690，年宵限定$520

【生意興龍 – LIFE MART 大型年宵2024】

日期：即日至2月9日（年宵市集）
時間 : 1:00pm – 9:00pm （2月9日年三十晚到12:00am）
地點 : 荔枝角D2 Place ONE 2/F The Space 及 D2 Place TWO G/F The Garage＋饒宗頤文化館

【生意興龍 – LIFE MART 大型新年市集2024】

日期：2月10日 – 14日
時間：1:00pm – 9:00pm
地點 : 荔枝角D2 Place ONE 2/F The Space 及 D2 Place TWO G/F The Garage
（年宵市集期間將有免費LIFE MART 紅van，連接饒館和D2 Place，約15 – 20分鐘一班）

IG：@lifemarthk @bluemarthk

② 暴龍龍躍開運年宵｜鄭中基首辦市集

WEE～新一年如果好似想「龍咁威」，那一定要來元朗YOHOMall，因為這裏是龍威兼暴龍哥（鄭中基）的地盤。由鄭中基作為大佬的YouTube頻道「機動電視台RTV」全員會在元朗 YOHO MALL舉辦「暴龍龍躍開運年宵」，將商場化身為「猛龍個Mall」，為大家帶來5個暴龍哥的打卡位，並設有My Only Store「大佬好嘢」期間限定店坐鎮，以及多件聯乘「大佬好嘢」的精品如揮春利是封和衛衣。此外，現場更有逾40間本地手作、寵物、花藝及食品品牌，樣樣產品都注入「龍」年元素，包括：龍年禮餅、龍年寵物衣服等。今個龍年夠曬「龍」重。

新年小賭怡情大賭傷身，咁賭下運氣應該唔會點傷嘅，市集為大家帶來一個近4.5米高的「有種好運老虎機」試試運氣。如果唔夠，仲有個「大佬鬆畀你麻將館」「甩」下自己今年行咩運，唔包食糊㗎～結果唔滿意？咁不如許個靚願，有「龍運當頭許願樹」同「時來運到天下無敵風中轉」許完願再轉個風車一帆風順，簡直係一條龍服務！不過團隊將偽林村樹和偽車公廟風車搬來元朗一定好辛苦，有時間不如聽下「匪夷所思直播間」聽主持人分享set場的經歷。

五大打卡位：

「有種好運老虎機」
新一年，拉桿測試龍年運程，博一博中Jackpot滋味，龍年定必好腳頭。

「龍運當頭許願樹」
換上全新暴龍過年裝的大佬，於4.5米高「龍運當頭許願樹」下誠心許願、沾沾運氣。

聯乘產品：

大佬豪畀你利是封套裝
長形利是封3色（紅、紫、粉）＋方形利是封2色（金、紫）
$68

【猛龍個Mall】

日期：即日至2月13日
時間：10:00am – 10:00pm
地點：元朗YOHO MALL I 及 II 中庭

③ 中環街市 x LOCOLOCO – 金龍迎福．新春市集｜霓虹燈打卡市集

逛市集就是瘋狂買買買，最後一袋二袋帶回家，既然買咗咁多戰利品，緊係要打卡留念！今個新年，LOCOLOCO將會與中環街市舉辦「金龍迎福．新春市集」，主題將橫跨新年和情人節，而地下OASIS的上空會懸掛以中環街市以及龍年圖案為主的霓虹燈，除了將節慶氣息散播到中環街市每個角落，更是一個值得打卡的佈置。

市集每星期將會有約20個不同的手作及設計小店擺檔，新年時期全為新春產品，有揮春、繪馬、禮餅、木雕等。當臨近2月14日市集會更換成情人節主題，亦特設「浮遊花工作坊」，在情人節製作不會枯萎的花朵，帶埋伴侶嚟夠曬甜蜜。

「浮遊花工作坊」
日期：2月13日
時間：4:15pm – 7:45pm
地點：二樓主樓梯前

市集產品：

@nap.zzz.co
雜錦司康禮盒
龍年掛飾紙袋、開心果馬德蓮小蛋糕 X 2、新年造型雜錦曲奇 X 2、棗泥合桃 X 1、NAP 利是封 x 6個
原味司康、伯爵茶司康、大吉蜜糖司康、XO芋頭臘腸冬菇蝦米司康、花生角仔味司康、芝士葱司康（每樣1個，合共6個）
$368

【金龍迎福．新春市集】

日期：即日至2月6日
時間： 12 :00pm – 8:00pm
地點：中環街市2/F 24小時行人通道及主樓梯前

IG：@locoloco_hk

④ 新 · 香城年宵一條龍｜插畫家KOL現身市集

市集有明星又點少得本地插畫家？Marketoo 市集於尖沙咀 iSQUARE 舉辦年宵新春市集，雲集本地插畫家及 Youtuber，Youtuber包括：甜姨姨、Rose Ma等，而插畫家則有大麻成、厚面子、Oh …little sweet 等，他們都會在不同時間現身擺檔，睇啱時間同佢哋一齊過年！市集亦邀請了超過 50 間本地設計/手作品牌輪流擺檔，第一期已完結，第二期則在2月5 – 9日，第三期則是2月10 – 13日。市集產品包括衣服、手作香水、首飾等，大家更可以參加 Marketoo 市集聯乘香城的迎接龍年主題活動贏禮品。現場還有busking 表演，喺新年唔使只係聽「好一朵迎春花～」。

參與YOUTUBER ：