iOS版同聲同氣的士App上架︱「飛的」有得揀TAMA TAXI

AndThen去年11月曾訪問的士平台Tama Taxi，創辦人的士高本為傳媒人，幾年前毅然轉行揸的士維生，因不屑被自私司機視作同類，而與IT友人合力開發集結本地的士師傅的Call車平台，以確保服務有質素。但Call車行業競爭激烈，加上平台向來嚴選司機，令車隊人數有限，的士高一直希望革新。近日，久久未能在Apple Store上架的iOS版乘客App突然獲批、開放下載與使用，以後各位香港人又多一個方法搵到同聲同氣司機了。

文：Layne
圖：雨兒、Tama Taxi

不過Android 版App仍須按Google要求進行修改，所以暫時下架，目前只有iOS版開放下載。而iOS版App的使用界面只有英文，中文版本正在趕製中，不過大家Call車時可以照樣輸入詳細中文地址，到達目的地後按App內金額，以現金支付車資即可。的士高亦提醒各位用戶，如果5分鐘沒有通知，即代表無師傅接單，可選擇re-call或取消訂單。

記者都唔執輸、一馬當先試用Tama Taxi App。雖然註冊帳號時，App曾一度Hang機，不過重開後一切如常，Call車界面簡約清晰、唔難上手。到了實際操作，記者在大概10am Call車由荔枝角往觀塘，眼見App內地圖附近地區有兩架Tama Taxi，唯等待約半小時仍未有司機接單，想必是「觀塘老母性感很多人Call」，建議大家如非趕急，不妨事先預約。不過新平台初起步，加上嚴格挑選理念相同的師傅，司機人手有限亦可理解，日後Tama Taxi能發展到什麼程度，就視乎你我願唔願意支持啦！